Zmadhimi i gjoksit | Klinika KEIT

Çfarë është zmadhimi i gjoksit?

Zmadhimi i gjoksit (mastoplastika zmadhuese), është një procedurë kirurgjikale që synon të rrisë madhësinë dhe të përmirësojë formën e gjoksit përmes implantimit të protezave ose injektimit të yndyrës. Kjo ndërhyrje është një nga procedurat më të zakonshme në kirurgjinë estetike dhe shpesh kërkohet nga gratë që dëshirojnë të përmirësojnë pamjen e tyre për arsye estetike apo për të rikthyer volumin pas shtatzënisë ose humbjes së peshës.

Çfarë duhet të dimë rreth ndërhyrjes së zmadhimit të gjoksit?

Përpara ndërhyrjes kryhen egzaminimet pre-operatore (hemokromi dhe grupi i gjakut, testet e koagulimit të gjakut, testet biokimike, virale, testi i shtatzënisë, analizat e urinës, vizita me kardiologun dhe EKG-ja e zemrës, echo e gjirit, vizita me anestezistin, etj.).
KEIT aplikon anestezi gjenerale totalisht endovenoze, e cila mban tensionin e gjakut të ulur, duke minimizuar gjakrrjedhjen e të nxirat, redukton në maksimum rrezikun për të vjella e marrje mendsh dhe për këtë lloj operacioni është më e sigurt e më komode për pacientin, si dhe bën të mundur që edhe kirurgu të punojë në kushte optimale.
Zgjat rreth 1 – 2 orë.
Aplikim i protezave me xhel silikoni, me garanci të përjetshme.
Nëse është e nevojshme aplikohen drena të posaçëm, të cilët mbahen rreth 1 – 2 ditë.
Një natë qëndrimi në klinikë.
Dhembje të lehta-mesatare e mëse të durueshme.
Të nxira dhe ënjtje në zonën e gjoksit që largohen gradualisht brenda 10 – 14 ditësh.
Shenja të vogla përreth areolës ose në pjesën e poshtme të gjoksit, të cilat zakonisht janë të holla e të zbehta.
Periudhë e shpejtë rikuperimi, me përmirësim gradual të pamjes së gjoksit. Rezultati konsiderohet final, zakonisht 4 – 6 muaj pas ndërhyrjes.

Llojet e implantave: cili është opsioni më i mirë për ju?

Kur vendosni për zmadhimin e gjoksit, është e rëndësishme të kuptoni llojet e ndryshme të implantave që janë në dispozicion. Ka dy lloje kryesore të implantave:

Implante me saline: Këto implante janë të mbushura me ujë të kripur steril dhe kanë një strukturë të butë. Në rast të një rrjedhjeje, lëngu thithet natyrshëm nga trupi.
Implante me silikon: Këto implante janë të mbushura me një xhel silikoni që ndjehet më shumë si inde natyrale të gjoksit. Megjithatë, në rast të një rrjedhjeje, silikoni mund të mbetet në trup dhe kërkon ndërhyrje kirurgjikale për ta hequr.

Procesi i konsultimit: si të përgatiteni për zmadhimin e gjoksit?

Konsultimi me një kirurg të certifikuar është hapi i parë dhe më i rëndësishëm në procesin e zmadhimit të gjoksit. Gjatë kësaj faze, kirurgu do të shqyrtojë historinë tuaj mjekësore, do të diskutojë pritshmëritë tuaja dhe do të rekomandojë llojin dhe madhësinë e implantit që është më i përshtatshëm për trupin tuaj. Disa nga faktorët që duhet të konsideroni gjatë konsultimit përfshijnë:

Madhësia dhe forma e dëshiruar
Pozicionimi i implanteve (nën muskuj ose nën gjëndrën e gjoksit)
Rreziqet dhe komplikimet e mundshme

Rreziqet dhe komplikimet tek zmadhimi i gjoksit: çfarë duhet të dini?

Zmadhimi i gjoksit, si çdo ndërhyrje kirurgjikale, ka rreziqe dhe komplikime të mundshme që pacientët duhet të jenë të vetëdijshëm. Disa nga rreziqet më të zakonshme përfshijnë:

Infeksioni: Megjithëse i rrallë, infeksioni mund të ndodhë dhe kërkon trajtim të menjëhershëm. Infeksioni mund të çojë në nevojën për të hequr implantin për një periudhë të përkohshme.
Kapsula kontrakturale: Një reaksion i organizmit që formon një kapsulë të fortë rreth implantit, duke shkaktuar dhimbje dhe deformim. Ky komplikacion mund të kërkojë ndërhyrje kirurgjikale për të korrigjuar.
Rrjedhja ose çarja e implantit: Kjo mund të ndodhë me kalimin e kohës dhe kërkon një ndërhyrje kirurgjikale për ta korrigjuar. Implantet saline zakonisht absorbohen nga trupi nëse çahen, ndërsa implantet me silikon kërkojnë heqje dhe zëvendësim.
Asimetri e gjoksit: Pas operacionit, gjokset mund të mos jenë plotësisht simetrike, gjë që mund të kërkojë një korrigjim të mëvonshëm kirurgjikal.
Dhimbje e vazhdueshme: Disa paciente mund të përjetojnë dhimbje të vazhdueshme në zonën e gjoksit pas operacionit, e cila mund të lidhet me ndërlikime si kapsula kontrakturale ose irritimi i nervave.
Ndryshime në ndjeshmërinë e gjoksit: Pas operacionit, disa paciente mund të përjetojnë ndryshime në ndjeshmërinë e thithave ose gjoksit, duke përfshirë ndjeshmëri të rritur ose të zvogëluar. Në disa raste, këto ndryshime mund të jenë të përhershme.
Hematoma: Formimi i gjakut brenda indeve mund të ndodhë dhe të shkaktojë ënjtje dhe dhimbje. Kjo mund të kërkojë aspirim ose ndërhyrje kirurgjikale për të larguar gjakun e grumbulluar.

Këshillat pas operacionit:

Përdorim i antibiotikëve zakonisht deri 5 ditë pas operacionit.
Heqja e drenave 24 – 48 orë pas ndërhyrjes (në ato raste kur vendosen).
Mjekime çdo 3 – 4 ditë deri në mbylljen e plagëve.
Heqja e penjve 10 – 15 ditë pas ndërhyrjes (në ato raste kur nuk janë të absorbueshëm).
Shmangia e lëvizjeve të sforcuara dhe ngritjeve të peshave për dy javë deri në 1 muaj pas ndërhyrjes.
Nuk duhet ngarë makina 1 – 2 javët e para pas ndërhyrjes.
Rifillimi gradual i aktivitetit fizik 1 – 2 muaj pas ndërhyrjes.
Mbajtja e reçipetave sportive për 1 muaj.
Të shmanget ekspozimi i drejtpërdrejtë në Diell.
Rikontrollet me staffin e KEIT sipas protokolleve të klinikës.

Zmadhimi i gjoksit: rezultatet dhe pritshmëritë

Rezultatet e zmadhimit të gjoksit zakonisht janë të dukshme menjëherë pas operacionit, por forma përfundimtare do të arrihet pasi ënjtja të jetë zvogëluar dhe indet të jenë shëruar plotësisht, gjë që mund të zgjasë disa muaj. Është e rëndësishme të keni pritshmëri realiste dhe të kuptoni se rezultatet mund të ndryshojnë në bazë të faktorëve si tipi i lëkurës, mosha dhe mënyra e jetesës. Shoqata Amerikane e Kirurgëve Plastikë (ASPS) raporton se shumica e pacienteve janë shumë të kënaqura me rezultatet e tyre dhe përmirësimin e cilësisë së jetës pas procedurës.

Ndonjëherë përtej punës dhe kualifikimit të kirurgut, rezultati i zmadhimit të gjoksit mund të mos jetë i kënaqshëm për shkak të faktorëve të mëposhtëm:

Elasticiteti i lëkurës
Reagimi i trupit ndaj implantit
Asimetria natyrale e gjoksit
Ndryshimet në peshë
Shkaqet gjenetike që ndikojnë në shërim
Stili i jetesës (duhani, ekspozimi në diell, aktiviteti fizik)

përkëdhelim ëndrrat