Zvogëlimi i gjoksit

Çfarë ështe zvogëlimi i gjoksit?

Hipertrofia e gjirit është një problem i zakonshëm në shumë gra në mbarë botën. Një gjoks shumë i madh mund të shkaktojë shumë probleme funksionale, si dhe të jetë një pengesë e madhe për jetën sociale të përditshme dhe për këtë arsye mund të shkaktojë shqetësime psikologjike. Ka shumë shkaqe të cilat çojnë në një gjoks shumë të zhvilluar, të cilat zakonisht janë të trashëguara gjenetikisht. Kirurgjia e reduktimit të gjoksit, është një operacion plastik dhe estetik që ju lejon të zvogëloni madhësinë e një gjoksi shumë voluminoz dhe të varur ose të korrigjoni asimetrinë e gjoksit. Ndërhyrja e reduktimit të gjoksit, mund të kryhet si një zgjidhje për një papërsosmëri ose për të eliminuar çrregullimet që lidhen me madhësinë e tepërt të gjoksit.

Dhembje në shpinë, në pjesën e qafës, dhembje koke, dermatit dhe ulçerë në pjesën e rripit të recipetave ose pjesën poshtë gjoksit janë çrregullimet me te zakonshme. Gjithashtu, mund të përmendim edhe problemin estetik e psikologjik që vjen nga kufizimet që mund të sjellë gjoksi shumë i madh në zgjedhjen e veshjeve, në zhvillimin e një aktiviteti sportiv, në jetën seksuale ose shoqërore të një gruaje.

Zvogëlimi i gjoksit Zvogëlimi i gjoksit

Në çfarë moshe rekomandohet të bëhet kjo ndërhyrje?

Operacioni për zvogëlimin e gjoksit mund të kryhet edhe para moshës 18 vjeçare, por preferohet të pritet derisa gjoksi të zhvillohet plotësisht. Në subjektet që vuajnë nga hipertrofia e gjirit në moshën e mitur, e cila shkakton rritje të tepërt të gjirit gjatë pubertetit, mund të jetë e nevojshme të ndërhyet menjëherë. Megjithatë, në këto raste operacioni mund të shtyhet edhe pas periudhës së pubertetit.

A mund të ndikojë shtatzënia te rezultati?

Shtatzënia mund të ndryshojë formën dhe madhësinë e gjoksit dhe të ndikojë në rezultatin final. Prandaj është e preferueshme të planifikoni një operacion për zvogëlimin e gjoksit vetëm kur të keni vendosur të mos keni më shtatzëni. Megjithatë, shumë raste të ngarkuara nga pesha e tepërt e gjirit vendosin t’i nënshtrohen reduktimit të gjoksit përpara çdo shtatzënie. Në çdo rast, ndër vite mund të ndërhyet me operacione të vogla.

Pas operacionit të zvogëlimit, gjoksi përveçse do të ketë një formë më të këndshme, do të jetë në proporcion me strukturën trupore të subjektit në fjalë. Rrobat do të përshtaten më mirë me gjoksin dhe do të mundësohet ushtrimi i çdo aktiviteti sportiv, pa u kufizuar nga përmasat e gjoksit. Zvogëlimi i gjoksit mund të lehtësojë problemet fizike, të përmirësojë imazhin dhe të rrisë vetëbesimin.

Zvogëlimi i gjoksit Zvogëlimi i gjoksit Zvogëlimi i gjoksit