Bullizmi dhe të rinjtë, diskutim nga Dr. Skerdi

Sfidat në tregun e punës

Dr. Skerdi Faria ndau përvojën e tij personale duke marrë shkas nga një njoftim punë që ai vetë kishte shpërndarë në rrjete sociale. Ai shprehu shqetësimin se, përkundër interesit të madh, aplikimet nga të rinjtë ishin të pakta. Sipas tij, shumë të rinj janë të prirur të kërkojnë pozita të larta menjëherë, pa kaluar periudhën e nevojshme të angazhimit. Dr. Faria theksoi se ky fenomen shpesh pasqyron një mungesë të gatishmërisë për të punuar dhe për të arritur sukses.

Në të njëjtën linjë, Aulona Musta theksoi se shumë të rinj synojnë të drejtojnë menjëherë pas përfundimit të shkollës. Ajo theksoi se këta individë shpesh krahasohen me ata që kanë arritur sukses pas shumë viteve pune të palodhur. Të rinjtë tregojnë një tendencë për të kërkuar rezultate të menjëhershme pa e kaluar fazën e nevojshme të zhvillimit profesional.

Të dy ata theksuan se përballen me sfida të mëdha në gjetjen e stafit të përshtatshëm. Shumë aplikantë nuk janë të përgatitur siç duhet. Dr. Skerdi Faria përmendi se, në KEIT Day Hospital, ata ofrojnë kushte të mira për punonjësit, përfshirë rrogën e 13-të, bonuset për fëmijët, dhe orët ekstra të paguara. Kujtojmë këtu që KEIT, spitali ditor i vetëm i kirurgjisë estetike në rajon dhe vënd, ofron që nga viti 2011 ndërhyrje dhe trajtime estetike me cilësi maksimale dhe çmime konkuruese. Disa prej tyre përmendim: operacioni i hundës, zmadhimi i gjoksit, apo mbjellja e flokëve.

Aulona Musta, nga ana tjetër, ndau përvojat të saj të ngjashme. Theksoi aplikantët shpesh dështojnë të paraqiten në intervistat e planifikuara ose shfaqen në mënyrë jo serioze dhe të papërpiktë. Ky fenomen reflekton një mungesë të madhe angazhimi dhe profesionalizmi nga ana e të rinjve.

Bullizimi dhe të rinjtë

Diskutimi mbi bullizimin ishte një tjetër pikë e rëndësishme në bisedë. Dr. Skerdi Faria shprehu shqetësimin se shumë të rinj abuzojnë me termin “bullizëm”. Sipas tij, ata e përdorin këtë fjalë për çdo kritikë që marrin, duke i dhënë një kuptim më të gjerë se ai që ka në realitet. Ai vuri në dukje se njerëzit janë bërë më të ndjeshëm dhe shpesh e kanë të vështirë të përballojnë kritikat. Në këtë kontekst, Dr. Skerdi theksoi rëndësinë e gjetjes së forcës brenda vetes për të përballuar sfidat dhe për të ruajtur një qëndrim të fortë ndaj vështirësive.

Nga ana tjetër, Aulona Musta e pranoi se bullizimi është një problem real dhe shqetësues, veçanërisht në rrjetet sociale. Ajo theksoi se bullizimi ka marrë përmasa alarmante në këto platforma, duke ndikuar negativisht në mirëqenien e të rinjve. Musta theksoi se përhapja e bullizmit në internet ka krijuar një mjedis të dëmshëm, ku të rinjtë shpesh ndihen të kërcënuar. Ky fenomen ka ndikim të rëndësishëm në psikologjinë dhe ndjenjat e vetëvlerësimit të të rinjve.

Dr. Skerdi tregon me nostalgji: ndryshimet në shoqëri dhe familje

Në diskutimin mbi ndryshimet në shoqëri dhe familje, Dr. Skerdi Faria përmendi se shoqëria dikur ishte më e disiplinuar dhe kishte më shumë rregulla. Ai kujtoi se lidhjet brenda familjeve dhe me fqinjët ishin më të ngushta dhe më të forta në atë kohë. Aulona Musta nga ana tjetër theksoi se prindërit e sotëm kanë më shumë informacion dhe mundësi për të mësuar. E prap nuk arrijnë ta përdorin këtë informacion në mënyrë efektive. Ajo argumentoi se shumë prindër e mbivlerësojnë rolin e tyre në zgjidhjen e çdo problemi për fëmijët e tyre. Kjo qasje mbrojtëse, sipas saj, ndihmon në krijimin e një brezi më të dobët. Dhe zhvillon aftësi të forta tek fëmijët për të përballuar sfidat e jetës dhe për të bërë vendime të pavarura.

Në këtë kontekst, Dr. Skerdi tregoi se, nuk është aq me fëmijët sa prindërit e tij me të. Ai ngriti pyetje mbi efektivitetin e kësaj qasjeje dhe nëse ndihmon në formimin e fëmijëve të fortë dhe të pavarur. Biseda e tyre ofroi një pasqyrë të thellë mbi sfidat që përballen individët në një shoqëri në ndryshim. Nxorri në pah gjithashtu ndikimin e këtyre ndryshimeve në marrëdhëniet familjare dhe zhvillimin e karakterit të fëmijëve. Diskutimi ndihmoi në identifikimin e disa prej çështjeve më të ndjeshme që ndikojnë në jetën e individëve, si dhe në kuptimin e ndikimit të mbrojtjes dhe disiplinës në formimin e karakterit dhe aftësive të rinisë së sotme.