përkëdhelim ëndrrat

Çaji jeshil është një nga çajrat që konsumohen më shumë në të gjithë botën për shkak se është i pasur me antioksidantë që përforcojnë sistemin imunitar dhe luftojnë radikalet e lira që dëmtojnë qelizat dhe shkaktojnë kancerin. Ky nuk është përfitimi i vetëm nga konsumi i çajit jeshil. Më poshtë janë disa përfitime të tjera:

-Vonon procesin e plakjes.
Çaji jeshil ndihmon në luftimin e inflamacionit dhe ngadalëson plakjen e qelizave (falë antiosidantëve) dhe gjithashtu ai parandalon formimin e rrudhave dhe i jep lëkurës tuaj një ngjyrë më të ndezur, duke ju bërë të dukeni në moshë më të re.

-Përmirëson memorien.
Sipas një studimi të zhvilluar nga Universiteti i Bazelit, enzimat që ndodhen në çajin jeshil përmirësojnë komunikimin e pjesëve të trurit me njëra tjetrën. Kur pjesëmarrësit e eksperimentit konsumuan çaj jeshil, arritën pikë më të larta në testin e memories afatshkurtër.

-A na ndihmon çaji jeshil që të biem nga pesha?
Studimet kanë treguar se çaji jeshil përmirëson tretjen duke ju ndihmuar të bini nga pesha. Gjatë një eksperimenti pjesëmarrësit humbën 1.5 kg duke konsumuar çaj jeshil për një periudhë 3 mujore, pa i bërë asnjë ndryshim tjetër dietës së tyre.

-Përmirëson shëndetin e zemrës.
Një studim i kryer në spitalin Johns Hopkins zbuloi një përfitim tjetër nga konsumimi i çajit jeshil. Në eksperimentin e kryer morën pjesë 6000 pacientë dhe rezultoi se nëse konsumohej një filxhan çaj jeshil në ditë, rreziku i sëmundjeve kronike të zemrës, ulej me 34%.

-Ju jep një buzëqeshje më të shëndritshme.
Studimet kanë zbuluar se “cateshin”, një antioksidant që gjendet në çajin jeshil, mund të shkatërrojë bakteret në gojën dhe fytin tuaj, duke ju mbrojtur kështu nga kariesi dentar dhe probleme të tjera të dhëmbëve.

-Arterie të shëndetshme.
Një studim i publikuar në “European Journal of Cardiovascular Prevention and Rehabilitation” ka nxjerrë në dukje se çaji jeshil është në gjendje të përmirësojë elasticitetin e mureve të artereve, duke kontribuar në një funksionim më të mirë të aparatit kardio-qarkullues.

-Lëkurë më elastike dhe me më shumë jetë.
Çaji jeshil ka një fuqi të madhe hidratuese, e barabartë me atë të ujit dhe për më tepër, falë fuqisë antioksiduese favorizon ri-zgjimin e qelizave, duke kontribuar në riparimin e dëmeve të lëkurës pas qëndrimit për një kohë të gjatë në diell.