përkëdhelim ëndrrat

1. E pasur me Antioksidantë.
Çokollata është e pasur me antioksidantë. Këto substanca natyrale kimike janë të nevojshme për të eliminuar radikalet e lira në organizëm. Radikalet e lira shkaktojnë oksidim dhe inflamacion, që nxisin disa sëmundje kronike. Burimet më të pasura të antioksidantëve janë farat e papërpunuara të pemës së kakaos. Për rrjedhojë, kakaoja pluhur dhe çokollata e zezë janë format më të mira të kësaj ëmbëlsire që njeriu duhet të konsumojë. Çokollatat me qumësht dhe çokollata e bardhë janë të pasura me yndyrna dhe përmbajnë shumë pak antioksidantë.

2. Ushqyesit surprizë.
Kakaoja përmban shumë ushqyes dhe minerale siç janë: fibra, bakri, magnezi, manganic, zinku, seleniumi, fosfori, kaliumi dhe hekuri. Kakaoja e papërpunuar përmban plot 400 polifenolë (antioksidantë), madje më shumë se vera e kuqe apo çaji jeshil.

3. Shëndeti i mirë mendor.
Antioksidantët te çokollata mbrojnë shëndetin mendor. Flavonoidët mbrojnë neuronet dhe luftojnë inflamacionin që rrezikon sistemin qendror nervor.

4. Çokollata për tensionin e gjakut.
Ekspertët shpjegojnë se antioksidantët te çokollata ndihmojnë qelizat të prodhojnë një substancë natyrale të quajtur oksidi nitrik. Ajo qetëson enët e gjakut dhe lehtëson qarkullimin e gjakut, duke shmangur kështu tensionin e lartë të gjakut. Megjithatë çokollata nuk është e vetmja që duhet të hani për të mbajtur nën kontroll tensionin e gjakut.

5. Çokollata përmirëson humorin.
Çokollata thuhet të përmirësojë humorin. Kjo vjen si pasojë e një substance kimike që stimulon endorfinën. Kjo është një tjetër arsye përse natyrshëm njeriu buzëqesh kur ha çokollatë.
-Efekte të mundshme anësore.
Disa studime kanë nxjerrë në pah se çokollata mund të nxisë migrenën. Nëse vuani nga migrena përpiquni të mos konsumoni çokollatë dhe të kuptoni nëse ajo nxit dhimbjet.
-Sasia e duhur e çokollatës.
Disa studime thonë se duhet të konsumoni 20 gramë çokollatë të zezë çdo tre ditë për të marrë përfitimet që kemi përmendur më lart.