përkëdhelim ëndrrat

Blefaroplastika është një ndërhyrje estetike që ka si qëllim të eliminojë lëkurën e tepërt nga qepallat e sipërme, apo qeskat dhe dhjamin e tepërt nga qepallat e poshtme, pa lënë shenja të dukshme. Teorikisht, rezultatet e arritura, në varësi të moshës kur kryhet ndërhyrja, janë të përhershme, por për shkaqe fiziologjike të procesit të plakjes, ato do të zgjasin të paktën 10 – 15 vjet. Sipas çdo rasti individual mund të kryhet blefaroplastikë superiore, inferiore ose totale (superiore dhe inferiore).

Blefaroplastika kryhet kur:
– Qepallat e sipërme janë të varura.
–  Ka lëkurë të tepërt në qepallat e sipërme që mund të ndikojë në shikimin periferik.
– Ka lëkurë të tepërt në qepallat e poshtme.
– Ka qeska poshtë syve.

Me kalimin e moshës, qepallat e syve varen dhe muskujt që i mbështesin ato, dobësohen. Si rezultat, dhjami i tepërt mund të grumbullohet në qepallat e sipërme, të poshtme apo në të dyja duke krijuar lëkurë të varur dhe qeska poshtë syve.

Blefaroplastika është e mundur të kryhet pasi të ketë përfunduar maturimi normal fizik dhe të ketë filluar humbja e elasticitetit të lëkurës dhe rënia e saj, për këtë arsye, në përgjithësi, nuk ka kundër-indikim duke nisur që nga mosha 35 vjeç.

Përpara ndërhyrjes kryhen egzaminimet pre-operatore (hemokromi dhe grupi i gjakut, testet e koagulimit të gjakut, testet biokimike, virale, testi i shtatzënisë, analizat e urinës, vizita me kardiologun dhe EKG-ja e zemrës, vizita me anestezistin, etj.)

Ndërhyrja kryhet me anestezi lokale dhe gjumë të lehtë, ose anestezi totale, sipas dëshirës së pacientit.

Kohëzgjatja e ndërhyrjes varion nga 45 – 60 minuta.

Kjo ndërhyrje ka një periudhë të shpejtë rikuperimi dhe pacienti mund të qëndrojë disa orë ose një natë në klinikë, nën kujdesin e staffit mjekësor.

Është e nevojshme të mbahen ngjitësa të hollë deri në shërimin përfundimtar të plagëve dhe heqjes së penjve, zakonisht rreth 7 — 14 ditë pas ndërhyrjes.

Heqja e penjve bëhet për rreth 7 – 14 ditë pas ndërhyrjes.

Rikuperimi është shumë i shpejtë, të nxirat dhe të ënjturat largohen gradualisht brenda 10 – 14 ditësh.

Mund të mbeten shenja të vogla, të zbehta e pothuajse të padukshme, pasi do të jenë të fshehura nga palat e lëkurës.

• Përdorim i antibiotikëve zakonisht deri 5 ditë pas ndërhyrjes.
• Aplikimi i akullit mbi sy për 10 minuta çdo një orë natën e kirurgjisë.
• Përdorimi i syzeve të diellit të errëta për të mbrojtur sytë nga rrezet e diellit dhe era.
• Aplikimi i lotit artificial disa herë gjatë ditës.
• Për 10 — 14 ditë pas ndërhyrjes mund të ketë ënjtje dhe të nxira që kalojnë gradualisht dhe ndihmohen nëse aplikohen kompresa kamomili.
• Të shmanget fërkimi i syve 2 — 3 javë pas ndërhyrjes.
• Fjetja me kokën lehtësisht të ngritur mbi nivelin e gjoksit.
• Mjekime çdo 3 — 4 ditë deri në mbylljen e plagëve.
• Heqja e penjve 7 — 14 ditë pas ndërhyrjes.
• Rikontrollet me staffin e KEIT sipas protokolleve të klinikës.

Për pacientët të cilët vijnë nga jashtë vendit, klinika KEIT ofron akomodim me të gjitha kushtet  në apartamentet pranë klinikës, në mënyrë që të kryhen të gjitha mjekimet e nevojshme pas ndërhyrjes. Bashkë me pacientin mund të qëndrojë edhe një shoqërues. Pacientët të cilët janë nga Kosova dhe Maqedonia, mund të largohen një ditë pas ndërhyrjes dhe mund t’i vazhdojnë mjekimet në klinikën KEIT në Prishtinë. Ndërsa pacientët të cilët vijnë nga Italia mund t’i kryejnë këto rikontrolle edhe në Itali.

Mund të udhëtohet me avion 3 – 4 ditë pas ndërhyrjes, por duhen planifikuar mjekimet dhe heqja e penjve me një mjek në qytetin ku banoni. Për pacientët të cilët vijnë nga Italia, këto mjekime dhe të gjitha rikontrollet e nevojshme mund të kryhen edhe në Itali me kirurgët tanë.

Kjo ndërhyrje kirurgjikale veçanërisht delikate, duhet kryer nga duar eksperte, pasi dëmet e shkaktuara nga kirurgë të pa-përgjegjshëm janë të vështira për t’u riparuar. Sidoqoftë, klinika KEIT disponon kirurgë me eskperiencë dhjetra vjeçare dhe kemi korrigjuar me qindra rezultate të dobëta të kryera nga kirurgë të klinikave të tjera. Të jeni të bindur që edhe në rastin tuaj do të realizojmë një rezultat optimal.

Trajtimi nuk rekomandohet gjatë shtatzënisë, duke qenë se efektet e tij nuk janë të studiuara dhe janë të panjohura për këtë periudhë.

Po, ky trajtim nuk përbën asnjë rrezik për fëmijën.

Zakonisht dhembja është shumë e lehtë dhe mëse e durueshme dhe mund të trajtohet lehtësisht me barna kundër dhembjeve.

Kjo ndërhyrje ka një periudhë rikuperimi të shpejtë, me përmirësim gradual të pamjes së qepallave, rezultati konsiderohet përfundimtar 6 — 10 muaj pas operacionit.

Rikuperimi është i shpejtë, hematomat dhe ënjtjet rreth syve do të largohen gradualisht brenda 10 – 14 ditësh.

Normalisht, pas heqjes së penjve kryhen 1 – 2 kontrolle me staffin e KEIT, sipas protokolleve të klinikës dhe mundësisë së pacientit. Pacientët e Kosovës dhe Maqedonisë mund t’i kryejnë rikontrollet pranë klinikës KEIT në Prishtinë. Ndërsa pacientët të cilët vijnë nga Italia mund t’i kryejnë këto rikontrolle edhe në Itali.

Po, ndërhyrja mund të kryhet në çdo periudhë të vitit, pa efekte anësore.

Mjekimet kryhen çdo 3 – 4 ditë, deri në mbylljen e plagëve.

Teorikisht, rezultatet e arritura, në varësi të moshës kur kryhet operacioni, janë të përhershme, por për shkaqe fiziologjike të procesit të plakjes ato do të zgjasin të paktën 10 – 15 vjet.

Rikthimi në punë, ndodh zakonisht pas heqjes së penjve, zakonisht 7 ditë pas operacionit, duke treguar kujdes maksimal për mbrojtjen e syve nga traumat.

Aktivitetin fizik mund ta rifilloni 1 muaj pas ndërhyrjes, duke treguar kujdes maksimal për mbrojtjen e syve nga traumat.

KEIT, ndryshe nga kirurgët apo klinikat e tjera, në të gjitha rastet e komplikacioneve të rralla post-kirurgjikale, mbulon të gjitha shpenzimet për të zgjidhur çdo emergjencë kirurgjikale dhe për të korrigjuar çdo parregullsi tjetër pas operacionit, në mënyrë që të arrihet një rezultat optimal. Ne jemi brand dhe vendosim në shërbim të pacientëve tanë dhjetra kirurgë italianë me eksperiencë shumë vjeçare. Në qoftë se kirurgu i cili ka operuar pacientin nuk është aktualisht i disponueshëm, KEIT vendos në dispozicion kirurgë të tjerë për të ofruar maksimumin e shërbimit dhe rezultateve. Kjo garantohet me Certifikatë Garancie KEIT.

Duke marrë parasysh gjendjen shëndetësore të pacientit, ndërhyrja mund të kryhet rreth 6 muaj pas lindjes së fëmijës, pasi të ketë përfunduar periudha totale e rikuperimit pas lindjes.